Три години и четири месеци затвор за раководителот за урбанизам на Маврово и Ростуше

Добивај вести на Viber

Обвинителството објави дека е одредена казна затвор од три години и четири емсеци за раководителот на секторот за урбанизам на општина Маврово и Ростуше кој беше фатен од полицијата како прима мито од 13.000 евра.

Поткупот бил побаран и примен заради ветување дека ќе биде одобрен урбанистички проект за градење на апартмани и сместувачки капацитети. Парите требало да му се исплаќаат на рати, аполицијата го фати директоно додека го примал поткупот во март.

„По поднесеното обвинение од Основното јавно обвинителство за гонење на организиран криминал и корупција против С.Е., сега осудениот во целост призна дека ги сторил кривичните дела Примање поткуп и Примање награда за противзаконито влијание и наводите во обвинението. Основниот кривичен суд Скопје му изрече осудителна пресуда врз основа на признание на вина и му одреди казна затвор во траење од три години и 4 месеци. 

На предлог на јавниот обвинител, судот одлучи да се конфискуваат сите парични средства во вкупен износ од околу 11.600 евра што во моментот на претресот беа пронајдени кај сега осудениот, што претставува примена на инструментот на проширена конфискација предвиден во член 98-а од Кривичниот законик. Парите се одземаат бидејќи обвинителството докажа дека тие ги надминуваат законските приходи на сторителот и дека постои основано уверување дека и тие потекнуваат од кривично дело против службената должност“, објави ОЈО.

Осудениот во периодот од јануари 2025 година, во неколку наврати во Гостивар и Скопје директно побарал поголема имотна корист за себе за да изврши службено дејствие кое морал да го изврши и директно примил награда за трети лица за да со искористување на своето реално влијание интервенира да се изврши службено дејствие што морало да се изврши.

„Како раководно службено лице кое одлучува во управна постапка и како член на Комисија за урбанизам, осудениот на претходно договорени средби, побарал од еден подносител на барање паричен износ најпрво од 16.000 евра, а потоа го намалил барањето на 13.000 евра. Парите се согласил да му бидат исплаќани етапно онака како што течела управната постапка, притоа уверувајќи го пријавителот дека средствата се за сите членови на Комисијата кои треба да одлучуваат по барањето за да постапат во побрз рок. За првото дејствие побарал 4.400 евра, но на 19.03.2025 година во угостителски објект во Скопје примил 2.000 евра бидејќи сведокот му кажал дека само толку може да обезбеди во тој момент и притоа беше уапсен на лице место при приемот на парите“, додаваат од ОЈО.