Три жаришта на птичји грип има во Албанија
Објавено во: Балкан 09 Јуни, 2021
Птичји грип се појави во Албанија, а болеста е присутна во три жаришта.
Потврдени се првите случаи на птичји грип, објави Министерството за земјоделство и рурален развој.
„Болеста е присутна во три жаришта населени места, лоцирани во административните единици Фуш-Круја, Дајт и Бујан“, наведува министерството.
Додава дека ветеринарната служба ги уништила болните и сомнителни птици. Веднаш по објавата на Светската организација за присуство на вирусот во некои земји од регионот и пошироко, по наредба на министерката Милва Економи е изготвен план со заштитни мерки. Првата мерка е забрана на влез на живина и месо од неа на територијата на Албанија од земјите каде е потврдено присуството на болеста. На национално ниво забранета е продажба на живина на отворен простор и на сточни пазари. Транспорт е дозволен до кланиците, но само со ветеринарно здравствено уверение.