Трифун Костовски е незадоволен од институциите - се обрати до оштетените штедачи

Добивај вести на Viber

Бизнисменот Трифун Костовски на Фејсбук пишува дека е незадоволен од институциите на системот на државата, и додава дека негова најголема грижа се оштетените штедачи на Еуростандард банка, на кои сака да им се обрати. 

Тој го објави прашањето кое ги засега Здружението на оштетени штедачи од ЕСБ Банка и нив како акционери во банката, дадено во интервјуто на гувернерката Анита Ангеловска-Бежоска, објавено во неделникот Фокус, бр. 1300 од 03.09.2020.

„Најпрво би сакала да појаснам дека сите правни лица, како и физичките лица кои нема во целост да бидат обештетени од Фондот за осигурување на депозити ќе имаат побарувања од стечајната маса, поради што не може едноставно да се каже дека ќе останат без своите пари. Мерките коишто ги презедовме кон Еуростандард банка, како што се барањето за докапитализација кое што резултираше со уплата од 11 милиони евра во текот на минатата година, ограничувањето на кредитната активност и барањето за одржување високо ниво на ликвидни средства, беа во насока на заштита на билансот на банката. Оттаму, брзината и успешноста на нивната наплата ќе зависи од брзината и ефикасноста на стечајната постапка“, стои во одговорот на гувернерката. 

Се наведува дека секој денар дополнителен капитал што е обезбеден во изминатиот период е денар повеќе за обештетување на депонентите и доверителите на банката.