Трпески: Финансиските друштва полека стануваат „играч“ на финансискиот пазар
Објавено во: Финансии 21 Јануари, 2021
Граѓаните веќе имаат зголемен интерес за услугите на финансиските друштва кои на пазарот го пополнуваат просторот за кредитирање кои не го опфаќаат банките. Тие се значаен извор на пари за оние кои имаат дополнителна неодложна потреба и помал износ. Тренд на раст на учеството на финансиските друштва на пазарот очекува поранешниот гувернер и професор Љубе Трпески. Вели дека европскиот, а и македонскиот финансиски ситем е банкоцентричен, но во прекуокеанските земји е изедначена бројката на банкарските и небанкарските институции. Дециден е дека има простор за брз развој на финансиските друштва кај нас. На пазарот во Македонија се појавија во 2010 година кога тоа беше и овозможено законски. Познати се како друштва за брзи кредити.
„Најчесто се формирани со домашен но има и со странски капитал. Оние со странски брзо и ефикасно работат, но воведуваат и нова технологија и го зголемуваат интересот кај корисниците на кредити. Своето место на пазарот го наоѓаат на она поле каде нема интерес од банките, кога се потребни мали износи на кредити, да се избегнат условите на банките, да излезат во пресрет на оние на кои им треба веднаш кредит, вели Трпески.
Тој вели дека постои поголем ризик од позајмувањето од банка, но дека финансиските друштва располагаат со сопствен капитал со кој се амортизира постоечкиот ризик, па така не постои реална опасност. Вели дека и последиците од евентуален банкрот на едно финансиско друштво се многу помали од банкротство на банка.
„Постои кодекс на однесување и законска регулатива за работата на финансиските друштва но некои од финансиските друштва не го почитуваат ова, па имаат недоречени услови, договори со калузули кои подоцна многу ги ‘чинат’ граѓаните и тие се чувствуваат измамени. Тие се нелојална конкуренција на оние кои работат според регулатива. Затоа Министерството за финансии треба да врши построга контола. Од ММФ има предлог да постои засебно и независно регулативно тело и за комерцијалните банки и за небанкарските институции. Овој регулатор не би зависел ниту од Владата ниту од Парламентот, вели Трпески за 21 минута.
Вли дека работата на овие друштва ќе има позитивен ефект за економијата.
А.Т.