Трупот пронајден на Шар Планина, не е на планинар, туку на залутан Сириец
Објавено во: Македонија 17 Февруари, 2020
Машкиот труп кој бил пронајден вчера на Шар Планина, не бил на планинар, туку на залутан Сириец, потврди СВР Тетово.
Станува збор за 32-годишниот сириски државјанин М.Р., кој поседувал фалсификувани документи на име на друго лице од Шпанија, а кој на 28 декември минатата година во СВР Тетово бил пријавен како исчезнат, пренесува ТВ21.
Сега се чека обдукацијата да покаже како настапила смртта, откако во тетовската полициска станица планинар пријавил безживотно машко тело над селото Вејце и на пат за врвот Кобилица во неделата околу 10:55 часот.
Емигрантот со себе носел и торба, а екипа од Секторот за внатрешни работи Тетово и лекар по судска медицина со хеликоптер на МВР се упатиле на местото и извршиле увид, при што била констатирана смрт без траги на насилство.