ТТК Банка ќе им ја исплати каматата на имателите на корпоративната обврзница
Објавено во: Финансии 13 Септември, 2021
ТТК Банка АД Скопје ќе изврши исплата на годишната камата по каматна стапка од 3,5 проценти на годишно ниво на имателите на корпоративна обврзница од прва емисија на обврзници, соопштија денеска од банката. Исплатата на камата ќе се изврши на 20 септември годинава.
„Право на исплата на камата имаат лицата кои се регистрирани во книгата на иматели на корпоративна обврзница - прва емисија на издавачот ТТК Банка АД Скопје во Централниот депозитар за хартии од вредност АД Скопје заклучно со 17.09.2021 година.
Тргувањето со обврзниците во деновите 16 и 17 септември 2021 година ќе се реализира со пресметана акумулирана камата за 364 и 365 денови соодветно, при што Купувачот при порамнувањето на 20 и 21 септември 2021 година ќе треба да го уплати износот на чистата цена плус акумулираната камата на Продавачот. При ова, Купувачите ќе бидат регистрирани во книгата на иматели на корпоративната обврзница – прва емисија на обврзници во Централниот депозитар за хартии од вредност АД Скопје на 20 и 21 септември 2021 година, соодветно и нема да остварат право на исплата на годишната камата, стои во соопштението.