Турција исправена пред тешка економска криза
Објавено во: Економија 26 Мај, 2018
Турција се обидува очајно да го спречи колапсот на својата валута, што би можело да предизвика сериозна економска криза. И сето тоа помалку од еден месец пред денот на предвремените парламентарни и претседателски избори во земјата.
Од почетокот на годината досега турската лира загубила речиси 20% во однос на американскиот долар, а курсот се движи од желбата на инвеститорите да ги пренасочат вложувањата од растечката економија, бидејќи ситуацијата таму е премногу непредвидлива.
Монетарната криза ескалира во овој месец, кога во рамките на само 25 дена турската валута се обезвреднила со над 17%. И сето тоа поради изјавите на претседателот Реџеп Таип Ердоган, кој рече на неколку пати, дека сака да ја преземе контролата врз одредувањето на каматните стапки, кои тој ги опиша како "мајката и таткото на целото зло".
Инвеститорите реагираа и во петокот трговијата затвори при 4.76 лири за долар - невидено ниво од создавањето на новата турска валута. Во средата турската централна банка сепак презеде некакво дејство, зголемувајќи ја основната каматна стапка од 13,5 на 16,5%. Овој потег доведе до благо поскапување на лирата, но само за еден ден, а потоа повторно пропадна.
По скромното отскокнување по каматната стапка, лирата падна повторно. Експертите велат дека ќе има "уште болка".