ТУРЦИТЕ И СРБИТЕ НАЈБРОЈНИ: Сепак по бројот на ноќевања први се гости од трета земја
Објавено во: Македонија 13 Јули, 2019
Турците се најбројни туристи, а Холанѓаните се со најмногу ноќевања.
Во мај земјава ја посетиле 98.998 туристи кои реализирале 205.356 ноќевања. Во однос на мај лани, бројот на туристи е помал за 4,8 отсто, а бројот на ноќевања за 2,8 отсто. Бројот на странски туристи, на годишно ниво, е намален за 5,2 проценти, а бројот на ноќевања што ги направиле е зголемен за 2,1 отсто.
Од странските туристи што во мај биле во Македонија (68.880), најбројни биле оние од Турција – 6.295 со 9.936 ноќевања. По нив следуваат гостите од Србија – 5327 со 11.164 ноќевања. Иако се подолу на листата, 4.315 Холанѓани што во мај биле во Македонија имале најмногу ноќевања, 20.842, покажуваат податоците на Државниот завод за статистика.
Најмногу туристи имало на езерските места – 44.916, со 95.210 ноќевања. Најголем број од нив – 42.985 биле сместени во хотели со 4 ѕвездички и таму имале 85.711 ноќевања.