Турците протестираа поради новите неславни рекорди на лирата која паѓа
Објавено во: Економија 24 Ноември, 2021
Турција е на нозе поради уште еден голем пад на вредноста на лирата за прв пат во последните 20 години.
Протести имаше во Истанбул и Анкара, на кои демонстрантите побараа оставка на владата и отстранување на партијата на правдата и развојот.
Турската лира денеска постигна нов неславен рекорд паѓајќи од 11, 37 на 13, 21 лири за долар. Аналитичарката Арда Тунџа изјавила дека ова е најголем пад, најголем за последните 20 години. Овие случувања се актуелни откако Турската Централна Банка го намали процентот на каматата до 15 отсто, а вчера претседателот Реџеп Таип Ердоган повика на натамошно намалување на каматата. Лирата имаше намалување на вредноста последните неколку години.