ТУРИСТИ СЕ ПОВЕЌЕ: Само во август над 21.000 турски гости уживале во Македонија
Објавено во: Македонија 12 Октомври, 2017
Во земјата има раст на бројот на туристи, може да се забележи од податоците објавени од Државниот завод за статистика.
Бројот на туристите во август 2017 година изнесува 188 758, а бројот на ноќевањата е 766 844.
Бројот на туристите во август 2017 година, во однос на август 2016 година, е зголемен за 20.4%, а бројот на ноќевањата скокнал за 10.4%.
Бројот на домашните туристи во август во однос на август 2016 година, е зголемен за 3.4%, а бројот на странските туристи пораснал за 46.5%. Бројот на ноќевањата на домашните туристи во август 2017 година, во однос на лани е зголемен
за 1.6%, а бројот на ноќевањата на странските туристи е зголемен за 41.9%.
Во периодот јануари-август 2017 година, во однос на истиот период од претходната година, бројот на туристите е зголемен за 15.8%, и тоа: кај домашните туристи има зголемување за 6.6%, а кај странските има зголемување за 22.7%.
Во периодот јануари-август 2017 година, во однос на истиот период од претходната година, бројот на ноќевањата е зголемен за 11.3%, и тоа: кај домашните туристи има зголемување за 4.4%, а кај странските има зголемување за 22.6%.
Со месеци има голем број на турски гости во Македонија. Турски туристи во август имало 21.093, српски 7542, полски 5926, имало над 3000 Германци, Грци и Бугари.