29 Март, 2024
0.0233

ТУРИСТИЧКИ РАЈ ЗА РУСИТЕ: Го имаат и највисокиот хотел на светот

Објавено во: Стил 12 Февруари, 2018

Добивај вести на Viber

Расте бројот на Руси кои патуваат во Дубаи. 

Бројот на руски туристи кои лани ја посетиле Дубаи достигнал рекордни 530.000.

Тоа е за 121 процент повеќе од бројот на руски туристи кои Дубаи го посетиле во 2016 година, соопшти Одделението за туризам и комерцијален маркетинг на Дубаи – „Дубаи туризам“.

Во овој месец се објавени резултатите за туристичата година во Дубаи. Во 2017 година забележано е стабилно зголемување на приливот на туристи од целиот свет за 6,2 проценти во споредба со претходната година.

Дубаи, земјата која постојано брка светски рекорди во градби, сега го има и највисокиот хотел во светот.

Со 356 метри, на 75 ката, хотелот „Гевора“ стана највисок на Земјата, а официјално е отворен за гости од 12 февруари.

Хотелот „Гевора“ се наоѓа на големата авенија на Шеикот Зајед, во близина на Меѓународниот финансиски центар на Дубаи, и е за само еден метар повисок од досега највисокиот хотел, кој се наоѓа на истата улица. Претходниот рекордер е хотелот со висина од 355 метри, од синџирот хотели „Мериот“.