20 Јануари, 2021
0.0206

Турска компанија ќе ја гасифицира Македонија за 300 милиони евра

Објавено во: Економија 25 Ноември, 2020

Владата ќе одбира помеѓу турските компании „Акса Догалгас Дагити А.С.“ и „Палмет Енерџи Аноним Ширкети“ за воспоставување на јавно приватно партнерство за финансирање, проектирање, изградба, управување, одржување и развивање на дистрибутивниот систем на природен гас низ Македонија, беше обелоденето синоќа по завршувањето на првата фаза на конкурентен дијалог за доделување на договор 

Оној што ќе го добие 35-годишниот договор ќе има право да менаџира и да остварува приход од системот со обезбедување на загревање на јавните установи, како и на комерцијалниот сектор и домаќинствата. Во најраната фаза ќе треба да ги гасифицира Аеродром, Бутел, Гази Баба, Ѓорче Петров, Карпош, Кисела Вода, Центар, Чаир, Градско, Демир Капија, Кавадарци, Крива Паланка, Куманово, Неготино, Прилеп, Свети Николе, Штип, Битола, Гостивар, Тетово, Кратово и повеќе рурални средини во непосредна близина. 

Во втората фаза од изборот до овие компании ќе се достави покана за учество во тендерската постапка до конечен избор на операторот со кој ќе се воспостави јавно приватно партнерство. Ова се единствените две фирми чии пријави за учество пристигнале до Министерството за економија по јавниот повик што претходно беше објавен за инвестиција од 300 милиони евра за гасификација на населените места низ земјата. 

Компаниите ја минаа фазата на евалуација на пријави за учество, односно евалуација на нивната економско- финансиска способност, како и техничка способност во согласност со критериумите кои беа наведени во тендерската документација. 

Владата во декември 2019 година донесе одлука за започнување на постапка за доделување на договор на приватен партнер кој ќе го изгради и потоа ќе наплаќа од дистрибутивниот систем на природен гас во земјата, додека паралелно државниот НЕР ги гради магистралните гасоводи и интерконективните приклучоци. 

Според критериумите, компаниите треба да имаат најмалку 150 милиони евра годишен приход во последните три години. Инвеститорот за четири години треба да изгради најмалку 50 отсто од мрежата во градските општини и најмалку 20 отсто во руралните општини. 

Договорот ќе го добие оној кој ќе понуди најмала висината на надоместок за приклучок кај крајните корисници, а критериум ќе биде и висина на надоместок за концесија и времетраењето на изградбата. Според владината одлука, приватниот партнер ќе плаќа за договорот доделен од државата така што ќе издвојува однапред предвиден процент од годишниот приход.


Можеби ќе ве интересира

И оваа година субвенции за вградување на погон на ТНГ или метан во возилата

И оваа година субвенции за вградување на погон на ТНГ или метан во возилата

Генерали Инвестментс: Трендот на раст на пазарите може да продолжи како резултат на стимулативниот пакет

Генерали Инвестментс: Трендот на раст на пазарите може да продолжи како резултат на стимулативниот пакет

Битиќи: Следната недела ќе видиме дали угостителите ќе работат до 23.00 часот

Битиќи: Следната недела ќе видиме дали угостителите ќе работат до 23.00 часот

Џек Ма се појави во јавност по три месеци откако ја искритикува кинеската влада

Џек Ма се појави во јавност по три месеци откако ја искритикува кинеската влада

Заев денеска ќе најави нова ИКТ инвестиција

Заев денеска ќе најави нова ИКТ инвестиција

ДО АПРИЛ ТУРИЗМОТ ЌЕ БИДЕ ВО КОЛАПС: Кога можеме да очекуваме странски гости?

ДО АПРИЛ ТУРИЗМОТ ЌЕ БИДЕ ВО КОЛАПС: Кога можеме да очекуваме странски гости?

Државата дала шест милиони евра за железничкиот транспорт

Државата дала шест милиони евра за железничкиот транспорт

Раст на просечната пензија за 185 денари: За шест дена почнува исплатата

Раст на просечната пензија за 185 денари: За шест дена почнува исплатата

Усвоена прва мерка од новиот антикризен пакет: Се укинуваат царините за 71 суровина

Усвоена прва мерка од новиот антикризен пакет: Се укинуваат царините за 71 суровина