Турски тек започнува со работа во декември
Објавено во: Економија 15 Мај, 2019
До крајот на декември, првите количини на гас ќе протечат низ мегапроектот Турски тек, објави извршниот директор на "Газпром", Олег Аксјутин.
"Очекуваме испораките на гас преку турскиот тек да започнат до 31 декември. Очекуваме дека целото ниво на подготвеност ќе биде во ноември, така што се стремиме кон последниот дел од декември", изјави тој за новинарите, пренесува ТАСС.
Проектот Турски тек предвидува изградба на гасовод низ Црното Море до европскиот дел на Турција и понатаму до границата со Грција.
Снабдувањето со гас преку првиот крак на гасоводот треба да го задоволи растечкиот турски пазар, додека другиот крак, како што е планирано, треба да испорачува до земјите од јужна Југоисточна Европа.
„Газпром“ ги гледа Грција, Италија, Бугарија, Србија и Унгарија како потенцијални пазари.
Двата краци имаат капацитет од 15,75 милијарди кубни метри гас.