Туск потврди дека не сите земји членки се за отворање на преговори
Објавено во: Македонија 12 Јуни, 2019
Не сите земји-членки се подготвени да донесат одлука за отворање на преговори во наредните денови, изјави Доналд Туск, претседател на Европски совет.
Тој се сретна со македонскиот претседател, Стево Пендаровски.
„Согласно мојата позиција како претседател на Европскиот совет не сакам да ја предвидувам одлуката на ЕУ. Вие направивте сè што се очекуваше од вас, но сакам да бидам искрен со вас“, рече Туск.
Нашата земја најверојатно ќе добие датум во пакет со Албанија.
„Лично верувам дека може да има само една одлука – отпочнување на преговорите согласно препораката од ЕК и со Северна Македонија и со Албанија“, рече Туск.
Туск вели дека постигнување консензус меѓу земји не секогаш е лесно и брзо.