Уапсен велешанец кај кого е најден список со лични податоци на потенцијални гласачи
Објавено во: Македонија 14 Јули, 2020
Велешанец на возраст од 35 години е уапсен вчера поради сомневање за изборни нерегуларности.
А.М. е приведен откако во неговиот дом се пронајдени и одземени еден мобилен телефон и повеќе листови од тетратки на кои рачно имало напишано список од околу 250 лица со лични податоци и матични броеви.По спроведениот претрес, а по насока на јавен обвинител од ОЈО Велес, лицето е уапсено поради сомневање за извршено кривично дело „поткуп при избори и гласање“ и со истото е извршен разговор.
Приведениот рекол дека тој ги направил списоците, по претходна насока од друго лице блиско до локалното раководство во Велес и на истите имало име и презиме и матичен број од лица од ромска националност кои би гласале за политичката партија, а за возврат би добиле финансиски средства.
Ваквата насока ја добил пред околу една недела и за реализација на истата му е ветена материјална корист, соопшти МВР.