Уапсен возачот на превртениот автобус во кој загинаа тројца Македонци
Објавено во: Македонија 17 Декември, 2018
Возачот кој го управувал автобусот на струшката компанија „Еуробус“, при што загинаа тројца македонски патници, е уапсен од страна на српската полиција, јавуваат српските медиуми. Најверојатно се работи за стандардна процедура и информативен разговор, но одредени локални медиуми јавуваат дека индициите покажуваат пребрзо возење на голомразица и неприлагодена брзина на условите на патот, ако се земе во предвид дека вечерта завеа снег.
Автобусот излета и се преврте на патот Лесковац-Ниш на пат кон Виена, а освен трите починати лица, а 32 се повредени, јавуваат српските медиуми.
- Автобусот во саботата околу 20 часот тргнал од Прилеп за Виена. Кога бил во близина на Лесковац изненадно слетал од коловозот. Според досегашните информации, постои сомневање дека возачот возел со брзина од околу 100 километри на час иако патот бил завеан со снег и лизгав, што довело до несреќата, вели извор од истрагата за српските медиуми.
Претходно дел од медиумите според изјави од сопственикот на компанијата „Еуробус“, објави дека се работи за двајца искусни возачи, од кои едниот бил од Прилеп, а другиот од демирхисарско.