Уапсени и останатите полицајци кои учествуваа во убиството на Флојд
Објавено во: Свет 04 Јуни, 2020
Уапсени се и другите тројца полицајци вклучени во убиството на Џорџ Флојд, што поттикна огромен бран на протести и насилства во САД, по Дерек Шовен, полицаецот кој со коленото го притискаше црномурестиот Американец, што резултираше со негова смрт во трагичниот инцидент кој го потресе светот.
САД се во втората недела на масовни протести, при што судските власти во Минесота најавија апсење на тројца други полицајци вклучени во смртта на Флојд. Всушност, беа дадени нивните фотографии, каде што тие се облечени во портокалови униформи што ги носат затворениците.
Како што се најавува, Дерек Шовен е гонет за убиство од втор степен, Тои Тао, Александер Квенг и Томас Лејн исто така се обвинети за смртта на Флојд, кој ги молел да го пуштат да стане, бидејќи не можел да дише.
Тие останаа без работа откако снименото видео покажа дека Флојд бил претепан внатре во патролниот автомобил.