Уапсени скоро 10.000 мигранти во една балканска земја

Добивај вести на Viber

Полицијата во Словенија годинава уапсила 9.801 нелегален мигрант.

Rегистрирани 9.801 нелегален мигрант во првите осум месеци од оваа година. Само во август имало 2.352 обиди за нелегално преминување на границата, што е највисоко месечно ниво, соопшти Министерството за внатрешни работи.

Повеќето мигранти се од Пакистан, потоа од Авганистан, Мароко, по што следат оние од Бангладеш, Иран, Сирија, Турција и други земји од Блискиот исток и Африка.

Според полицијата тоа укажува дека има пораст на илегална миграција, иако не толку силна како во годините на масовната мигрантска криза 2015/2016 година.

Лани за осум месеци, словенечката полиција уапси 5.899 нелегални мигранти, а годинава во истиот период 9.801. Бројот на оние што ќе решат да бараат меѓународна заштита во Словенија во однос на лани е зголемен – во првите осум месеци беа поднесени 2.098 барања за азил, а оваа година 2.577 година.

Грција во последниве месеци бележи пораст на пристигнувањата на мигранти и бегалци од Турција. Само во август, нивниот број бил над 9.000, најмногу за еден месец во изминативе три години. Нивната главна цел останува западна Европа и во таа намера се обидуваат на секаков начин.