Убиен возачот на „Бентлито“ кое се заби во поворката на Вучиќ
Објавено во: Балкан 18 Април, 2018
Лука Радуловиќ, кој стана злоогласен во Србија откако со Бентли се заби во автомобилската поворка на претседателот Александар Вучиќ, вечерта е убиен во Белград по вооружена престрелка.
Радуловиќ бил тешко ранет на Црногорска улица, во близина на Бранковиот мост, а поради тежината на раните починал во болница. По напаѓачот се уште се трага, а според некои информации, тој имал помошници, кои по престрелката се оддалечиле со автомобили, пишува Б92.
Според медиумите во Србија причина за нападот најверојатно е судир на подземјето кое е инволвирано во трговија со дрога.
Радуловиќ во септември минатата година беше уапсен поради пресекувањето на колоната на претседателот на Србија.
Набрзо по овој инцидент беше уапсен и добипритвор, но по 20 дена е пуштен на слобода, иако подоцна беше покренато обвинение за инцидентот.