Заменик претседателот на Владата Анѓушев дел од Виенскиот економски форум
Објавено во: Мои пари 19 Ноември, 2018
Заменик претседателот на Владата задолжен за економски прашања и координација со економските ресори, Кочо Анѓушев заедно со министерот за економија Крешник Бектеши, денеска учествуваат на 15-тиот Виенски економски форум. Вицепремиерот Анѓушев ќе присуствува на официјалниот работен појадок во организација на Канцеларот на Австрија, Себастијан Курц, а потоа ќе има свое обраќање на годинешниот јубилеен 15-ти Виенски економски форум, на панел дискусијата на кој ќе се обратат премиерите на Албанија, Босна и Херцеговина, Косово и Црна Гора.
На годинешниот Виенски економски форум ќе се отворат теми важни за интеграцијата во ЕУ на земјите од Западен Балкан, преку дигитализација до зголемување на регионална соработка.