УЈП излезе со бројки за „Викенд без ДДВ“ Граѓаните на своите сметки ќе добијат нешто повеќе од милион евра
Објавено во: Економија 16 Октомври, 2020
Управата за јавни приходи по трите изминати дена како рок кои ги имаа граѓаните да ги скенираат своите фискални сметки по завршувањето на мерката „Викенд без ДДВ“ на 12 октомври излезе со бројки според кои на граѓаните во наредните 15 дена на сметките треба да им бидат исплатени 66.853.929 денари.
За купените македонски производи и услуги и компјутерска опрема во деновите 10, 11 и 12 октомври вкупно 204.088 граѓани кои скенирале оствариле промет од 558.176. 715 денари.
Во споредба со потрошувачката на истите производи во претходните викенди во истиот месец, потрошувачката е зголемена за 2.2 пати зголемена.
„Дополнително скенирани се 3 пати повеќе фискални сметки и остварен е и 9,5 пати поголем промет од македонски производи овој викенд во однос на истиот од минатата година.“, соопштија ид УЈП.
Мерката ,,Викенд без ДДВ“ е прва од четвртиот пакет на Владата за помош на економијата за справување со псоледиците од корона-кризата.
„Резултатите од оваа мерка се повеќе од успешни бидејќи значат повеќе пари назад кај граѓаните, зајакнување на домашниот буџет и истовремено зголемена потрошувачка на македонски производи и услуги. Поттикнување на промет кај македонските компании е поддршка во услови на криза, која влијае и на подобрување на ликвидноста на компаниите.“, заклучува УЈО.