Украина е најкорумпирана земја на светот и Хрватска нема да се меша ако дојде до ескалација

Јас сум командант на војската, хрватски војници нема да одат во Украинa, вели хрватскиот претседател Зоран Милановиќ. Хрватска на никаков начин нема да се меша во кризата ако дојде до нејзина ескалација.

Тој порача дека на Украина не ѝ местото во НАТО, а ситуацијата на украинско-руската граница ја оцени како сериозна криза зад која првенствено стои динамиката на американската внатрешна политика. 

Милановиќ вели дека постојат начини Украина да се зачува како „цела држава или 99 отсто од неа“ и економски да ѝ се помогне, но додаде дека не ѝ местото во НАТО пактот, во, на пример, не се ни неутралните Финска, Австрија и Шведска па се безбедни земји.

„Оваа криза нема врска ни со Украина ни со Русија, таа има врска со динамиката на американската внатрешна политика на Џо Бајден и неговата администрација“, кажа Милановиќ. 

Уривањето на прорускиот претседател Виктор Јанукович, „измамник кој седеше на три столчиња“, Милановиќ го нарече „државен удар поттикнат од Европската Унија, и пред сè од Вашингтон во тоа време“.

„По тие настани од 2014 година, со кои почнаа конфликтите во Украина, „приказната беше следната: Украина оди на запад, нема што да бара со Русија, царинската унија со Русија и поранешните земји од Советскиот Сојуз е лоша за Украина, а во ЕУ ќе течат мед и млеко“, кажа Милановиќ.

Осум години подоцна, како што вели Милановиќ, „Украина е и понатаму една од најкорумпираните земји во светот, економски стагнира и не доби ништо од ЕУ“.

Пет европски држави ќе донираат 47 милиони долари финансиска помош за Украина. 

Во оваа група се Велика Британија, Канада, Шведска, Швајцарија и САД. Тие планираат на крајот од месецов да основаат фонд за помош на Украина со финансирање од 35 милиони фунти (над 47 милиони долари) за период од три години.