Украина преку Подољак ни се заблагодари за испратеното оружје
Објавено во: Македонија 06 Август, 2022
Главниот советник на украинскиот претседател Володимир Зеленски, Михајло Подољак, на Твитер на македонски јазик се заблагодари за помошта од Македонија по испратеното оружје за Украина.
– Пријателот се познава во неволја. Не е важно со каква големина е твојата земја, важно е какво е срцето. Многу народи денес ќе покажат повеќе храброст од половина од G20. Како Северна Македонија, која ѝ пружи помош на Украина. Ние никогаш нема да го заборавиме ова, напиша Подољак.
Северна Македонија и донираше тенкови Т -72 на Украина, а од Министерството за одбрана не потврдија дали на Украина и се испратени четири авиони „СУ-25“, туку само дека информацијата е класифицирана.