Украински дрон нападна голема рафинерија во Русија
Објавено во: Свет 22 Јуни, 2022
Една од најголемите рафинерии за нафта во јужна Русија беше погодена од очигледен напад со дрон, предизвикувајќи огромен пожар, објавија властите и медиумите.
Снимката објавена на социјалните мрежи покажува дека дрон лета кон рафинеријата Новошахтинск во Ростовската област на пет километри од украинската граница пред да се запали еден од објектите.
„Вработените забележаа украински дрон. Се урна во структурите на централата, по што дојде до експлозија и пожар“, државната новинска агенција ТАСС цитираше неименуван регионален претставник.
Друг неименуван безбедносен функционер за агенцијата изјавил дека во инцидентот учествувале два дрона.
„Едниот удри во единицата за размена на топлина по што настанал пожар. Вториот одлета“, рекол изворот.
Регионалниот огранок на Министерството за вонредни состојби извести дека пожарот избувнал околу 9:25 часот по московско време и бил изгаснат за час и половина.
Се наведува дека рафинеријата Новошахтинск е една од најголемите во јужна Русија со капацитет до 7,5 милиони тони годишно.
Последниот напад, кој не е официјално потврден, уследи по експлозиите и пожарот во клучното складиште за нафта Транснефт-Дружба во руската област Брјанск, на помалку од 100 километри од границата со Украина во април.
Ракетните напади на руска територија станаа почести откако силите на Москва се повлекоа од Киев кон крајот на март, а контраофанзивата на украинските сили се приближи до руската граница.
Неколку погранични региони ги подигнаа нивоата на закана од тероризам како одговор на нападите.
Украина не ја презеде одговорноста за нападите на руска територија, но и формално не негираше дека стои зад нив.