УМИРАМ ОД СРАМ. УКРАИНА И МОЛДАВИЈА МОЖАТ ВО ЕУ, А БИХ НЕ МОЖЕ, ЗОШТО СЕ ТИЕ ПОДОБРИ? - Милановиќ жестоко до ЕУ, но и до хрватската Влада
Објавено во: Балкан 24 Јуни, 2022
Претседателот на Хрватска и врховен командант на вооружените, Зоран Милановиќ, одржа прес-конференција на која повторно зборуваше за статусот на кандидат за ЕУ за Украина и Молдавија, кој вчера беше официјално потврден, но и за БиХ, која се уште го чека тој статус.
„Ова ја срами Хрватска. Сè уште не можеме да го ставиме ова во категоријата на велепредавство, но тоа е предавство. Едно садистичко предавство. Она што Европскиот совет го усвои вчера е таков груб цинизам. Пленковиќ уште се фали со тоа. Се разбира, тие не ни сакаат да го сменат изборниот закон, сакаат да ги украдат изборите“, рече тој.
Тој му префрли на министерот за надворешни работи Гордан Грлиќ Радман.
„Излезе типот, рече дека е нефункционална држава, а одеше на свадби таму. БиХ не може да оди во ЕУ? А што е со Украина? Украина и Молдавија се подобри од БиХ? Поставуваат услови за изборна реформа, но што нив им значи тоа?“, рече Милановиќ.
Тој рече дека ова беше ретка шанса БиХ да се воведе во просторот на ЕУ. Нагласи дека му е драго што Украина доби статус на кандидат, како надеж дека еден ден ќе влезе во ЕУ, но дека овој статус мора да и се даде и на БиХ и дека хрватската влада мора да се залага за тоа.
Тој исто така тврдеше дека Пленковиќ вчера се преправал дека се залага за Хрватите од БиХ и другите граѓани на БиХ.
„Бездушните деца во Брисел се однесуваат како сè да се врти околу нив“, вели тој.
„Ова е хрватска политичка трагедија. Ваквото лажење... Радман Грлиќ вели дека БиХ е нефункционална, а Украина може да добие кандидатски статус - држава која може да се распадне од војната. Но, ние ќе ја уништиме БиХ. Умирам од срам. „Умирам од срам, а не треба“, рече Милановиќ.