12 Декември, 2018
0.3435
    ALK 8271.79    1.51%     BESK 9000    0%     KJUBI 1550    0%     KMB 5062.11    2.62%     MPT 47000.07    1.2%     MTUR 4850    0%     OKTA 4350    2.35%     REPL 70040    3%     RMDEN16 97.3    0.31%     RMDEN17 96.5    0%     SBT 1850    2.66%     STB 1280    0.13%     STIL 122    0.83%     TEL 298.64    1.23%     TNB 14150    1.07%     TTK 1245.37    1%     UNI 2231    -2.96%

УНДП ја започнува изградбата на новата градинка во Шуто Оризари

Објавено во: Мои пари 10 Август, 2018

Со симболично поставување на камен темелник за новата градинка „8ми Април“, Програмата за развој на Обединетите нации (УНДП) ја започна изградбата на новиот објект во вредност од 700.000 долари. Во изминатиот период, УНДП ги заврши подготвителните работи од проектот, како обезбедување на сите дозволи од релеватните институции, рушење на старата опожарена зграда, расчистување на теренот и обезбедување на услови за почеток на градежните работи.

„Презадоволни сме што имавме можност да се вклучиме и да помогнеме во овој многу важен проект за заедницата каде што децата се соочуваат со реален ризик да бидат изоставени во образовните достигнувања и животните можности уште од најмала возраст.“  - истакна Амбасадорот на Кралството Норвешка, Арне Санс Бјорнштанд.

„Наша цел е исполнување на начелото „повторно да се изгради подобро“ – објаснува Луиза Винтон, постојана претставничка на УНДП. „Ја трансформираме катастрофата во можност, со тоа што го прошируваме капацитетот за згрижување на деца, со енергетско – ефикасните елементи ги намалуваме оперативните трошоци, но и овозможуваме услови за престој за деца со попречености кои сега ќе имаат шанса да поминуваат повеќе време со своите врсници. “

Проектот го реализира Програмата за развој на Обединетите нации (УНДП) во партнерство со Министерството за труд и социјална политика и Општина Шуто Оризари.

Секое дете е важно и овозможување на услови за подобар раст и развој на сите деца е врвен приоритет на оваа Влада. Нашата цел е континуирано да ги зголемуваме просторните капацитети на детските градинки во земјава, но и да го подобриме квалитетот на програмите и да вклучиме што поголем број деца кои досега немаа можност да посетуваат градинка. Досега се отворени 11 нови објекти,а до крајот на 2018 година е предвидено отворање на дополнителни 8.  Работиме и на јакнење на кадровските капацитети, односно од 1.01. 2018 година Министерството обезбеди финансиска согласност за вработување на  789 лица на неопределно време и и 50 вработување на определно време во градинките.“ – изјави Министерката Мила Царовска. 

На дизајнот на новиот објект – кој треба да симболизира нов почеток -  работеше широка палета на експерти, претставици на општината, како и жители на општината.  Идејата беше со овој интерактивен пристап успешно да се одговори на очекувањата од заедницата, но во исто време решението да биде во согласност со современите градежни трендови.

„Презадоволни сме од поддршката норвешката влада, која секако ќе обезбеди подобра социјална инклузија на Ромите во локалната заедница“– потенцираше Курто Дудуш, градоначалник на Општина Шуто Оризари.

Старата градинка, единствениот објект од таков вид во општината со 22.000 жители, беше целосно опожарена минатата година, со што околу 200 деца од претшколска возраст се уште се згрижени во импровизирани услови во општинското средно училиште, а околу 100 деца од улица привремено се сместени во субстандарни услови во дел од амбулантата во општината.

Планирано е изградбата да биде финализирана до март, 2019 година. Средставата на изградба на новата градинка „8ми Април“ се обезбедени од владата на Кралството Новешка.


Можеби ќе ве интересира

Credissimo со број 1 клиентска услуга во онлајн кредитирањето и уште многу Новогодишни изненадувања

Credissimo со број 1 клиентска услуга во онлајн кредитирањето и уште многу Новогодишни изненадувања

Утре ќе има прекин на водоснабдувањето во Момин Поток

Утре ќе има прекин на водоснабдувањето во Момин Поток

Нема вода на ул.Мирче Аце

Нема вода на ул.Мирче Аце

Подобра бизнис клима во Македонија преку реформи во секторот туризам и угостителство

Подобра бизнис клима во Македонија преку реформи во секторот туризам и угостителство

Vip ги отвора вратите и за домашните миленици на своите корисници

Vip ги отвора вратите и за домашните миленици на своите корисници

Шеесетина македонски средношколци ги решаваа проблемите на ЕУ во улога на членови на Европскиот парламент

Шеесетина македонски средношколци ги решаваа проблемите на ЕУ во улога на членови на Европскиот парламент

Синема Футура заврши со снимање на краткиот филм "Налепница"

Синема Футура заврши со снимање на краткиот филм "Налепница"

Организаторот на Балканскиот Давос дел од трибината на Стопанската комора на Македонија

Организаторот на Балканскиот Давос дел од трибината на Стопанската комора на Македонија

Ќе се одржи 32- рото Бизнис кафе Македонија

Ќе се одржи 32- рото Бизнис кафе Македонија