Уништен е муралот на Ѓоковиќ на Косово, Петковиќ вели ова е дело на хулиганите на Курти
Објавено во: Балкан 07 Февруари, 2023
Мурал со ликот на тенисерот Новак Ѓоковиќ е уништен на Косово.
Непознати сторители синоќа во Ораховац уништиле мурал со ликот на Ѓоковиќ. Бела боја е фрлена врз муралот на српскиот тенисер кој е прв на АТП-листата по победата на Австралија опен во Мелбурн.
Муралот со ликот на Новак Ѓоковиќ беше насликан во март лани, а покрај него на италијански и српски јазик беше напишана порака: „Нема уназад чак ни да би се ухватио залет“. Сликањето на муралот беше почеток на проектот „Боја во воздухот“ кој го почна организацијата „Амичи ди Дечани“ во соработка со уметникот Милан Милосављевиќ.
Директорот на Канцеларијата за КиМ, Петар Петковиќ вели дека хулиганите на косовскиот премиер Албин Курти го уништија муралот на Ѓоковиќ во Ораховац. „Колку и да имаат омраза екстремистите, никогаш нема да можат да ги поништат успесите на шампионот и најдобриот тенисер во светот и неговата љубов кон Косово и Метохија! Кога немаат свое, уништуваат туѓо!“, стои во објавата на Твитер профилот на Петар Петковиќ.