Добивај вести на Viber
За случајот „Титаник“ треба да сведочат уште 50 сведоци на обвинителството.
Следното рочиште за „Титаник” е закажано за 29 месецов. Како осомничени за разни кривични дела поврзани со незаконско финансирање на партијата ВМРО-ДПМНЕ и за нарушување на изборните процеси во 2011 и 2013 година се јавуваат 20 лица. Меѓу нив се и поранешните високи функционери на ВМРО-ДПМНЕ, Гордана Јанкуловска, Миле Јанакиевски, Мартин Протуѓер, Илија Димовски и други. Досега се сослушани повеќе од стотина сведоци. Овој случај го отвори СЈО со кое раководеше екс специјалната јавна обвинителка Катица Јанева.
На поранешниот директор на УБК, Сашо Мијалков, пак нема да му се суди за уништувањето на опремата за прислушување, затоа што кривичното дело за кое се гонеше му застари. Станува збор за случајот „Тврдина-Таргет“.
фото МИА