Уште една балканска земја ги проверува мостовите
Објавено во: Балкан 18 Август, 2018
Албанските власти почнуваат со контрола на издржливоста на мостовите во земјата.
Директорот на сообраќајната полиција, Митхат Тола, изјави дека почнале испекциите на системот на хоризонтална и вертикална сигнализација околу дозволената тежина на возилата кои минуваат по мостовите, како и состојбата на безбедносните елементи.
„Почнавме со оваа активност и таа ќе трае и следните недели, се додека не се провери безбедноста на секој мост. Истата ја реалзира Службата на сообраќајната полиција во соработка со Агенцијата за државни патишта“ – изјави Тола.
Вели дека сообраќајната полиција строго ќе го контролира секое возило дали ја почитува пропишаната тежина која е дозволена да може да помине по одреден мост.
Постојат и мостови изградени во 90 години од минатиот век, но од фирми кои имаат искуство само со изградба на згради и истите се опасност со години.
Таков пример е уривањето на мостот во Фуш-Круја, во 2017 година, кога по обилните дождови, надојдената река го „однесе“ бетонскиот мост, изграден пред три години.
Откако во Џенова, Италија се урна мост и загинаа над 40 луѓе, и во Србија се загрижија за безбедноста на мостовите.