Уште една девојка е најдена мртва во Грција

Добивај вести на Viber

Уште една девојка е најдена мртва во Грција. 

Телото на британската туристка Натали Кристофер е пронајдено на островот Икарија. По нејзиното исчезнување во понеделникот е организирана голема потрага на земја, копно и во море.

35-годишната астрофизичарка, била на островот заедно со партнерот, но таа не била во апартманот кога нејзиниот партнер се разбудил. Тој ѝ се јавил и таа му рекла дека отишла да трча, но откако не се вратила по неколку часа, партнерот ја пријавил за исчезната.

Полицијата за Си-ен-ен изјави денес дека нејзиниот телефон бил исклучен. Властите ги пребарале и двете стази по кои можела да тргне на трчање. Во потрагата учествувале полицијата, пожарникарите и хеликоптер, а дури и грчкиот министер за одбрана помагал.

Неколку часа пред исчезнувањето, британската научника на Фејсбук објавила фотографии од летувањето на островот и напишала дека е прекрасно место за пливање.

Таа е втората научничка која е најдена мртва при посета на Грција во изминативе неколку месеци. Претходно, американската научничка Сузан Итон присуствуваше на конференција на островот Крит во јули, а исчезна, додека трчала. Нејзиното тело е најдено подоцна, а убиството го призна 27-годишен маж.