УШТЕ ЕДНА ДРАМА НА ВУЧИЌ, неговите „волци“ станаа хит: „Но, вистинскиот проблем е на друго место“
Објавено во: Балкан 23 Јануари, 2023
Претседателот на
Србија, Александар Вучиќ, на вонреден состанок во седиштето на СНС најави
заминување од раководството на партијата, а откако прв пат го употреби зборот „волци“,
членовите на Српската напредна партија на социјалните мрежи буквално преплавија
со фотографии од волци и пораки „Вашите волци се секогаш со вас“.
Политикологот Цвијетин Миливојевиќ се надева дека ова не е уште една драма на Вучиќ за да го одвлече вниманието на јавноста од вистинскиот проблем, иако се оди во таа насока.
„Можеби ова е обид за маневрирање, за купување време за донесување одлука за барањата на ЕУ и САД. Можеби Вучиќ со најавата за оставка како шеф на партијата, а можеби и шеф на државата, сака да обезбеди уште еден месец, по цена да оди на нови избори. Инаку, тоа е само обична пропаганда, и така изгледа. Ако навистина сакаше некакво единство, тој како претседател на државата вчера ќе разговараше со претставниците на сите политички организации. Наместо тоа, разговараше со Дарко Глишиќ, Невен Ѓуриќ, Драган Шормаз... Тоа е голема смејурија“, заклучува Миливојевиќ.