Уште едно одложување на мечот Македонија - Косово
Објавено во: Македонија 01 Април, 2020
Фудбалскиот натпревар помеѓу репрезентациите на Македонија и Косово во Лигата на нациите вторпат е одложен и ќе се игра во нов термин.
Наместо на 4 јуни, како што беше првично одложен,тој ќе се одигра во периодот помеѓу 3 и 8 септември на националната арена „Тодор проевски“.
Поради крона вирусот. УЕФА на итен состанок направи промени и ги помести баражите од Лигата на нациите по завршувањето на летото.
Предвидено е сите натпревари да се играат од 3 до 8 септември. Победникот од овој натпревар ќе игра со подобриот од дуелот Грузија - Белорусија за настап на Европското првенство кое ќе се одржи во 2021 година.
Македонија и Косово бркаат историски настап на еден континентален собир.