Уште не е пронајдено момчето кое се изгуби во Преспанското езеро
Објавено во: Македонија 03 Август, 2020
Уште не е пронајдено момчето кое вчера се изгуби во Преспанското езеро.
По 16 годишното момче се трага повеќе од 20 часа.
Настанот е пријавен во полиција вчера во 18 часот. Езерото го пребаруваат нуркачи а од попладнево се вклучи и специјална единица на МВР.
Како што јавува „Телма“ момчињата биле непливачи, но не носеле ниту заштитни елеци.
Сопственикот на педалинките Ведат Адемовски, вели дека педалинката била исправна и не се превртела, туку дека момчињата скокале од неа во водата.