Успешно заврши 26-тиот КОПАОНИК БИЗНИС ФОРУМ
Објавено во: Мои пари 06 Март, 2019
Со усогласување на заклучоците затворен е 26-ти Копаоник Бизнис Форум на кој се собраа 1.315 учесници, 2 специјални гости, 162 панелисти и 125 новинари кои го следеа и известуваа за Форумот. На Форумот, покрај премиерката и дел од министрите во Владата на Р. Србија, зедоа учество најзначајни бизнисмени од Србија и регионот од секторите: банкарство, осигурување, трговија, туризам, енергетика, земјоделство, фармацевтската индустрија и IT секторот; исто така претставници на меѓународни финансиски институции како EBRD, EIB, IFC, WB, IM, амбасадори како и претставници на бизнис заедниците од Македонија, БИХ, Хрватска и Црна Гора.
Александар Влаховиќ, претседател на Сојузот на економисти на Србија и претседател на Програмскиот одбор на Копаоник Бизнис Форум, истакна дека овој настан е особено значаен затоа што поттикнува дијалог.
- Во изминатите 4 дена интензивно работевме, а заклучоците од Копаоник Бизнис Форум ќе бидат сумирани во рамки на документ и сигурен сум дека Владата внимателно ќе ги следи нашите препораки како да се постигне интензивен раст и да се забрзаат структурните реформи - изјави Александар Влаховиќ.
Влахович исто така најави 3 други настани: Економскиот форум во Јахорина (23-24 април 2019г.) Самитот на гувернери и министри за финансии на земјите од Западен Балкан ( 14-16 јуни 2019г.) и Четвртата меѓународна конференција за образование (11-13 ноември 2019г.) и ги покани сите учесници да бидат дел и од следниот Копаоник Бизнис Форум (1- 4 март 2020г.).