Уставниот суд, според праксата, е во корист на Ѓорѓе Иванов за Законот за јазиците

Добивај вести на Viber

Претседателот Ѓорѓе Иванов може да се надева на негативна одлука на Уставниот суд, според досегашна пракса на одлучување, и тоа да оди во негова корист во спорот со претседателот на Собранието, Талат Џафери, околу стапувањето на сила на Законот за употреба на јазиците со кој албанскиот станува втор официјален во Македонија.

Иванов вчера најави разрешница кај Уставниот суд откако Џафери по речиси една година го објави законот службено, но без потпис на указот од шефот на државата. Наместо тоа, Џафери го испрати во „Службен весник“ со фуснота дека Иванов бил должен според Уставот истиот да го потпише. 

Засега, Уставниот суд има решавано само еднаш за ваква ситуација на спор помеѓу претседател на држава и претседател на Собрание, и тоа во 1998. Законот за употреба на знамињата на другите народни заедници во Македонија пред општините беше потпишан од собранискиот спикер Тито Петковски, но не и од Киро Глигоров како претседател на Македонија.

Уставниот суд во ноември истата година го укина тогашниот закон за употреба на знамињата, одлука која сега му оди во корист на Иванов.

Одлуката беше донесена токму поради тоа што, според Уставниот суд, Петковски ја превзел улогата и на Глигоров.