УТРИНСКИ ФОКУС: Како 70 милиони евра за 9 години легнаа на конто на Жан Митрев Клиник од ФЗОМ
Објавено во: Македонија 11 Јуни, 2019
*Зошто има рекорден број на жалби на загубени тендери во Македонија?
Во 2018 имало рекорден број од 737 жалби на економски оператори кои загубиле од своите конкуренти во огласите за јавни набавки што ги распишале јавните органи на власт. Бројката е убедливо највисока во последните неколку години, а од Комисијата за жалби при јавни набавки велат дека тоа се должи на зголемената доверба, односно дека фирмите повеќе не се плашат да се пожалат како порано.
*ПОРАЗИТЕЛНО: Во Македонија голем број магистри и доктори на науки се без работа
Овие податоци се објавени на веб страницата на Агенцијата за вработување. 14 мажи и 10 жени доктори на науки се евидентирани како невработени, а 308 мажи и 459 жени магистри исто така се со статус невработени.
Ова покажува дека патот до вработување не е лесен, дури и за луѓето кои вложиле во своето образование.
*За девет години 70 милиони евра од ФЗОМ завршиле во Жан Митрев Клиник, сумите допрва ќе растат
Фактор ги има сумите кои од ФЗОМ завршувале во приватните клиники по години. Конкретно за Жан Митрев Клиник сумата годинава е за 120 милиони денари (два милиони евра) поголема од таа која била префрлена лани или во 2018 година. Ако одобрените буџети се споредуваат со Клиничката болница Аџибадем Систина, на пример, која е и доста поголема, разликата за овие девет години е дури 20 милиони евра, во корист на Жан Митрев Клиник, иако и двете болници вршеле слични услуги цело време.
*ЗЕМА ПЛАТА НАД 1000 ЕВРА: Колку е богат Јахи Јахија кој доби притвор ? Државниот секретар во министерството за информатичко општество и администрација Јахи Јахија заврши во 30 дневен притвор откако е осомничен за примање на поткуп при избор на компанија за спроведување на проект финансиран од ИПА фондовите. Според податоците на сајтот на МИОА Јахија на функцијата доаѓа во 2011 година. Таму нето платата која ја добива изнесува 62.452,00 денари или над 1000 евра.