УТРИНСКИ ФОКУС: Кои кумановски фирми вртат милиони-колку се заработува од јаткасти плодови
Објавено во: Мои пари 10 Декември, 2019
Вести во фокусот на Фактор ова утро ...
*
Кој е кумановецот чии фирми направија 100 милиони евра приход лани
Четири кумановски фирми лани кумулативно направија промет што надмина 100 милиони евра. Тоа е дострел на кој „се влажнат“ многумина менаџери или бизнисмени во земјава. Но ретко кој е калибар да оствари таков таргет. Иако во бизнис круговите знаат за кој се работи, овој кумановец за жал е анонимен за општата македонска јавност на која редовно и во големи дози и се сервира само дневна политика.
*
ИНТЕРВЈУ ТРИФУН КОСТОВСКИ: Не ја продаваме Еуростандард банка - со новиот менаџмент таа пак ќе биде силнаВо интервју за Фактор Трифун Костовски сосема искрено зборува за предизвиците со кои во последниов период се соочи неговата Еуростандард банка, за неуспешните разговори за нејзина продажба на Комерцијална банка, но и за докапитализацијата и промената на менаџментот на банката, од кои се очекува во следниот период да резултираат со воспоставување на стабилна и профитабилна банка.
*
За прв пат во историјата: Домашни банки ја „спасуваат“ Македонија со 135 милиони евраМакедонија за прв пат во својата унитарна историја со одлука на Владата ќе се задолжи кај домашните комерцијални банки за околу 135 милиони евра, односно 8.172.500.000 денари кај шест кредитори за да врати заем чиј рок истекува на почетокот од следната година.
*
Извесни ли се изборите на 12 април: Политичките сигнали „матат“ одложувањеМожно ли е одложување на закажаните избори? Дали граѓаните ќе гласаат на 12 април како што беше договорено, или сепак избори ќе има во октомври кога впрочем требаше да се одржи редовното гласање. Македонија влегува во изборна година, но се повеќе шпекулации укажуваат на тоа дека има опции изборите сепак да не се на 12 април
*
АРОНИЈА, БАДЕМИ, ЛЕШНИЦИ, OРЕВИ: Здрави се, но дали носат профит?
Лешници, бадеми, аронија, гоџи бобинки, носат многу бенефити за здравјето, но дали нивното производство може да донесе добра заработка?