УТРИНСКИ ФОКУС: Колку заработи лани директорот на „Витаминка“, приведувања за несреќата кај Ласкарци
Објавено во: Економија 14 Март, 2019
Успешната македонска прехранбена индустрија „Витаминка на својот генерален извршен директор Сашо Наумоски лани му исплатила бруто плата од 105.350 евра, покажуваат податоците од годишниот извештај на „Комерцијална банка“ во чиј Надзорен одбор членува Наумоски.
Сите детали за тоа колку заработи лани директорот на „Витаминка“ тука.Евентуална забрана ќе го пресели бизнисот со игри на среќа во „сива“ зона
*Игри на среќа имало и ќе има, а овој феномен е практично невозможно да се искорени. Целосната забрана само ќе го пренесе од легална и контролирана зона, во „сивата“ зона која може само да го зголеми криминалитетот во една држава и да ја стави во трошок државата во негово сузбивање, вели во разговор за Фактор, професорот Сашо Климовски кој е единствениот што има учебник за оваа проблематика и го предава предметот на Правниот факултет.
Уапсени се шест души за автобуската несреќа во Ласкарци на 13 февруари која предизвика смрт на 15 патници - а детали овде.
Скандалозно е укинувањето на фестивалот „Денови на македонска музика“
Уметниците, како и работниците од културата не молчат и по втората објава на резултатите од конкурсот за годишната програма на Министерството за култура. Веќе е добро познато дека скратени се средствата на повеќе реномирани фестивали и манифестации, со што се доведува во опасност нивно укинување или воопшто да не одржат оваа година. Нејасните критериуми и услови врз кои се формира оценката за поднесената програма најжестоко меѓу другите ги критикува и македонската композиторка Дарија Андовска.
Каде има најголема експлоатација на работници?
Eксплоатација на трудот и повреда на основните права на работниците највеќе има во текстилната, кожарската индустрија, угостителството, земјоделството и градежништвото. Овие индустрии се препознато како сектори со слаби колективни права, велат од Отворена порта-Ла Страда.