УТРИНСКИ ФОКУС: Поскапе бензинот, ЕЛЕМ пиша-бриша тендери, нафтени резерви
Објавено во: Економија 19 Февруари, 2019
По последната одлука на регулаторната комисија стана јасно дека поскапуваат само бензините , додека дизелот останува со иста цена.
Тоа значи дека Еуросупер БС-95 бележи раст на цената од пола денар и ќе се точи по 62,50 денари за литар, додека Еуросупер БС-98 поскапува за еден денар и возачите со ова гориво ќе полнат резервоари за 64,50 денари.
Ќе ги позлати ли ЕЛЕМ машините за ископ во РЕК Битола?
РЕК Битола лани во март распиша тендер за набавка на 44 машини за околу 20 милиони евра со кои ќе копа јаглен и јаловина. Паралелно со ова од јануари лани до сега ЕЛЕМ склучи десетина договори со приватни фирми за ископ на јаглен и јаловина и за тоа ќе плати до 27 милиони евра. Во ЕЛЕМ одлучиле да го поништат и во април годинава да распишат нов тендер. Анализите на РЕК Битола покажале дека треба да го чекаат новиот Закон за јавни набавки од 1 април затоа што актуелниот закон преферира најниска цена и набавката немало да го даде потребниот квалитет. Ова ќе отвори простор надворешните фирми уште една година да добиваат работа во РЕК Битола во дестици милиони евра! - детали тука.
Кои се сите опции за комплетирање на нафтените резерви?
Државата нема да може да формира нафтени резерви кои ќе покриваат 90 дена до 2023 година како што е и законската обврска ако не го зголеми надоместокот кои потрошувачите го плаќаат за нафтените резерви, смета Европската енергетска заедница (ЕЕЗ).