УВИД ВО ТЕКОВНИТЕ ПРОЕКТИ НА ЈП ВОДОВОД И КАНАЛИЗАЦИЈА – СКОПЈЕ ВО ОПШТИНА ГАЗИ БАБА
Објавено во: Мои пари 24 Април, 2019
Денеска директорот на ЈП Водовод и канализација – Скопје Душко Весковски, заедно со градоначалникот на општина Гази Баба, Борис Георгиевски беа на увид на изградбата и реконструкцијата на водоводната мрежа која се изведува по дел од улица „Христифор Жефаровиќ” со соодветен профил Dn 160мм именуван како Крак 1 со L=850,00м и по дел од ул.„Антон Попов“ со Dn 200мм именуван како Крак 2 во должина од L=710,00м односно водоводна мрежа со соодветен материјали и профил на цевки.
Целта на проектот е да овозможи услови за приклучување или поврзување на постоечките објекти на оваа линија па затоа со проектот се предвидени и околу 60 огрлици, со што постоечките наши корисници ќе добијат нова приклучна инсталација. Ова значи дека за да може постоечката дотраена мрежа Ø80мм и Ø51мм која се наоѓа на голема длабочина да биде напуштена од употреба, потребно ќе биде сите објекти долж трасата да се преповрзат на новата линија, најдобро во текот на нејзината изградба.
Водоводна линија за Крак-1 со Dn 160mm ќе биде поврзана на постоечка водоводна линиja Ø200мм на ул.„Антон Попов“ во постоечка шахта во Т-1 иза Крак 2 со Dn 200mmна постоечки водовод Ø200мм на ул.„Антон Попов“ а со тоа ќе се обезбеди кружно циркулирање односно поврзување на овие две линии преку проектираните Dn 160мм и Dn 200мм.
Целата инвестиција за овој проект ќе го чини ЈП Водовод и канализација - Скопје 26 000 000,00 денари.