Ванковска: Нема членство во НАТО и датум за преговори од ЕУ во наредните години

Добивај вести на Viber

Професорката Билјана Ванковска во дел од својата колумна за „Нова Македонија“ по повод потпишаниот договор помеѓу Скопје и Атина очекува дека Македонија нема да добие членство во НАТО ниту пак датум за преговори со ЕУ, како што вели, во наредните години.

- Не остана простор, а и редакцијата ме чека да ја пратам колумната: ова е мртвороден договор, кој можеби на Грција ѝ ги врати кредитните дози за преживување, а богами и Заев се надева на истото тоа. До членство во НАТО и до почеток на преговори со ЕУ нема да дојде во наредните години, бидејќи тие чекаат на целосна имплементација. Или ние ќе го спречиме стапувањето во сила на овој срамен договор – или тоа ќе го стори грчката влада! Срамот ќе остане, ама тој не е на сметка на македонските граѓани, кои не смеат да се откажат од правото во преамбулата на својот Устав да се држат до историските традиции на АСНОМ! Не ни оставаат друга опција, освен да се бориме да бидеме еднакви со сите други цивилизирани народи во светот! И ќе се бориме со сите демократски средства, без оглед на политичка, верска или етничка основа! Или, во спротивно ќе ја докажеме тезата дека не сме државотворен народ, дека не знаеме што се човекови права и достоинство, и дека сме аморфна маса. Ќе бидеме подготвени на шиканирање, следење, демонизирање дека сме националисти, популисти и ксенофоби. Нашиот одговор е: прочитајте што потпиша Никола Димитров, читајте ги меѓународните конвенции, читајте го Уставот! Некои одговори не заслужуваат прашања (на референдум) - вели Ванковска во последниот параграф од колумната.