ВАЖНИ ПРОЕКТИ ОД ЕБОР: Какви вести прати Тевдовски од Јордан ?
Објавено во: Финансии 10 Мај, 2018
Интерес за инвестиции во општински гасоводни мрежи и изградба на магистрален гасовод помеѓу Македонија и Грција.
Овие две важни вести ги испрати министерот Тевдовски кој е во Јордан каде учествува на Годишните средби на Европската банка за обнова и развој.
Од таму Тевдовски вели дека ЕБОР е заинтересирана да ги финансира двата проекти посочувајќи на плановите за згоелмување на капиталните инвестиции во енергетиката.
„Имаме начелна согласност за учество на ЕБОР во два значајни проекти“, кажа министерот.
За изградбата на гасоводна мрежа во општините проектот е проценет на околу 50 милиони евра а министерот за финансии вели дека покрај кредитна линија за овој проект е побаран и грант.
Вториот проект од областа на гасификацијата за кој се дискутирало на средбите е интерконекција со гасовод на Македонија и Грција и тој е карактеризиран како важен проект за кој интерес покажала и грчката страна.