Велешанка на сопругот во затвор му испратила пакет во кој имало и хероин
Објавено во: Македонија 16 Март, 2023
Велешанка на сопругот кој се наоѓа во затвор му испратила пакет во кој имало и хероин.
Но, вработените во штипскиот затвор ја нашле дрогата и ја одзеле.
„На 02.03.2022 првопријавената С.Г., по претходен договор, преку карго пошта, во пакет заедно со други продукти му испратила хероин на нејзиниот сопруг, второпријавениот К.Г., кој бил на издржување казна затвор во Казнено-поправен дом Штип, а при извршен преглед од вработени во затворот хероинот бил откриен и одземен“, се вели во полицискиот билтен.
Полицијата поднесе кривична пријава против С.Г.(31) и К.Г.(32), двајцата од Велес, поради постоење основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори”.