(ВИДЕО) БРЕГЗИТ И ПРЕСУДИ: Тереза Меј низ солзи објави кога ја напушта функцијата
Објавено во: Македонија 25 Мај, 2019
Британската премиерка ќе ја напушти функцијата на 7 јуни, соопшти таа во обраќањето пред познатиот број 10 во Даунинг улицата, во Лондон.
Таа рече дека длабоко жали што не успеала да ја изнесе земјата од ЕУ. Меј изјави дека таа работа и останува на нејзиниот наследник кој ќе мора да најде консензус во парламентот.
-Сега ми е јасно дека е во најдобар интерес на земјата новиот премиер да ги предводи тие напори. Така да денес објавувам дека ќе поднесам оставка како лидер на Конзервативната партија во петок на 7 јуни-рече Меј, а нејзината одлука автоматски значи и заминување од местото премиер на кое помина 3 години.
-Тоа е можно само ако сите страни сакаат компромис-рекла Меј.
"It is in the best interests of the country for a new prime minister to lead"
— BBC Breaking News (@BBCBreaking) May 24, 2019
UK Prime Minister Theresa May announces she will resign on Friday 7 June
Live updates: https://t.co/uYam3l51Iz pic.twitter.com/Y35iYJPvef
Таа додава и дека е горда на напредокот остварен во последните три години.
Британската премиерка низ солзи на крајот на говорот истакна дека е горда на се што постигна нејзината земја.
-Нашата политика можеби е под притисок, но има толку многу работи што се добри во земјава, толку многу нешта на кои сме горди-рекла Меј и додала:
-Наскоро ќе ја напуштам работата која беше најголема чест во мојот живот-кажа низ солзи премиерката.
Оваа одлука веќе е долго очекувана и ќе покрене трка за нов лидер кој веројатно ќе инсистрира на одлучување договор за Брегзит.