(ВИДЕО) Десетина луѓе биле заглавени во лифтови, еве како се тресеше Aтина
Објавено во: Балкан 19 Јули, 2019
Илјадници луѓе во грчката престолнина Атина панично истрчаа на улиците по силниот земјотрес од 5.1 степен.
Според ЕРТ, противпожарната служба спасила околу десетина луѓе заробени во лифтови. Атињаните уште се надвор и се плашат да влезат во своите домови.
Епицентарот бил на околу 25 километри северозападно од главниот град на Грција на длабочина од околу 15 километри. Имало и повеќе последователни потреси.
Поради придвижувањето на тектонските плочи, земјотреси редовно се случуваат во регионот на Средоземното Море, но тие обично немаат голем интензитет. Во 1999 година, меѓутоа во земјотрес од 5,9 степени според Рихтеровата скала во Атина и во регионот северозападно од главниот град на Грција загинаа 143 луѓе.Турските научници пак предупредуваат за опасноста од нови силни земјотреси што го загрозуваат Истанбул и реонот на Мраморно море.