(ВИДЕО) ДРАМА НА НЕБОТО: Параглајдерист се бореше да се спаси

Добивај вести на Viber

Основното државно обвинителство во Котор ја истражува смртта на параглајдеристите Душан Симовиќ од Бело Поле и туристката од Египет, Маријана Микхаил. 

Тие завчера починаа на пат кон болницата, со кои се здобиле при принудното слетување во Јаз. Инспекторите од которското обвинителство истражуваат како можеле да полетаат од Брајичи, каде наводно нема регуларно полетувалиште.

Полетале во околу 18 часот, но набрзо ги фатило невреме и цели два и пол часа траела драмата во воздухот, пред очите на бројните посетители на плажата во Бечичи.

Иако се обиделе да приземјат на планината кај Бечичи, силниот ветер и дождот им пречел, па продолжиле кон Јаз. Сепак, тешките повреди со кои се здобиле биле кобни за двајцата.

Полицијата  по налог на обвинителството вчера го уапсила Драган Чориќ, кој бил организатор на летање со параглајдер од Брајичи.

Тој вчера e сослушан од обвинителството поради сомнение дека извршил кривично дело загрозување на безбедноста на воздушниот сообраќај. Одредено му е задржување од 72 часа. 

Изјава пред обвинителите дал и инспекторот на Агенцијата за цивилно воздухопловство, која е надлежна да контролира дали параглајдеристите имаат лиценца, но и дали полетувалиштето е регуларно.

Општината Будва според плановите не предвидувала да се полетува од тоа место. Сепак, некои агенции тврдат дека полетувалиштето на Брајичи имало нивна дозвола, и дека слетувањето било предвидено во Бечичи. Симовиќ кобниот ден на тоа место ја повел и туристката од Египет на лет. Тој бил искусен параглајдерист и шампион во светот во тој спорт, но и раководител на Центарот за обука за параглајдинг на клубот "Динамо".