(ВИДЕО) ЕКСПЛОЗИЈА ВО БЕЈРУТ: Загинаа 10, а 400 луѓе се повредени

Добивај вести на Viber

Најмалку 10 жртви и 400 повредени  има во експлозијата која се почувствувала на 240 километри од главниот град на Либан, Бејрут. 

Над 400 лици се повредени и пренесени во најблиските болници, по експлозијата која вечерва се случи во Бејрут, изјави за CNN медицинска сестра која е на должност.

Експлозијата предизвика уривање на терасите на зградите, кршење на прозорците и друга материјална штета и предизвика огромен облак прашина и чад.

Според либанската државна новинска агенција ННА, експлозијата се случила во градското пристаниште, каде се сместени магацини со експлозив.

Експлозијата е почувствувана во соседниот остров Кипар, оддалечен околу 240 километри – или околу 150 милји – од Либан, според Европско-медитеранскиот сеизмолошки центар (ЕМСЦ).

Израелското министерство за одбрана ја негираше одговорноста за двете силни експлозии во Бејрут. 

Хезболах исто така негираше дека експлозиите се предизвикани од ракетен напад.

Изминативе неколку месеци државата се соочи со серијата протести, а жителите на Либан секојдневно се противат на начинот на кој владата се справува со најлошата економска криза во земјата од завршувањето на граѓанската војна во 1990 година.

Неделава пак трибуналот на Обединетите нации треба да донесе пресуда на четворицата обвинети за убиство на поранешниот  Рафик Харири во 2005 година кој загина во терористипки напад.