(ВИДЕО) ЕВРОПА Е СКАПА: Ова се градовите каде евтино можете да живеете

Добивај вести на Viber

Скап е животот во Европа, а во земјите каде беснее криза како Венецуела, или во други сиромашни земји е евтино за живот. 

Неколку градови од стариот континент се меѓу најскапите во светот. 

Земени се в предвид 133 градови во 93 држави. 

Истражување на трошоците за живот кое го направи „Економист интелиџенс јунит“ (ЕИУ), покажа дека Париз е најскап град во светот заедно со Сингапур и Хонг Конг.

Париз со години наназад важи за многу скап град. Тој е меѓу 10-те најскапи градови во светот, вели авторката на истражувањето, Роксана Славчева.

Но, фактот дека Париз скокна за шест места за две години не треба да се заборави. 

ЕИУ ги споредува просечните трошоци за повеќе од 160 предмети почнувајќи од храна, средства за лична хигиена и облека до домашна помош, превоз и режиски трошоци. 

Иако Париз нуди релативно евтин алкохол, превоз и тутун кога станува збор за лична нега, рекреација и забава, Париз е меѓу најскапите европски градови“, додава Славчева.

Градовите во Велика Британија стануваат релативно поскапи за домашните потрошувачи, но поевтини за странците поради ослабувањето на фунтата, исто така нагласи Славчева.

Моска и Инстанбул паднаа на листата.  

„Влијанието на високата инфлација во овие земји врз трошоците на живеење е значително“, стои во извештајот.

Нестабилноста на валутите придонесе за нивниот пад, и тоа од 48 места на Истанбул во споредба со 2018 година и 16 места подолу за Москва.

Меѓу најскапите европски градови, се и Цирих, Женева, Копенхаген и Осло. Важно е да се напомене дека ниту еден европски град не се најде меѓу првите пет на листата на најевтини во светот.

Најевтин град за живеење е Каракас, а во иста група со него се и Дамаск, Ташкент и Алмати во Казахстан. 

Евтино може да се живее во Карачи во Пакистан, Лагос од Нигерија, Буенос Аирес во Аргентина и Бангалор, Ченаи и Њу Делхи од Индија.

Бугарскиот главен град Софија е меѓу градовите каде трошоците најмногу скокнале лани. Софија има скок од дури 29 места на листата. Во оваа категорија, на градови со најголем скок се најдоа и Нумеа, Казабланка, Мускат, Абу Даби, Најроби и Сан Француско.

фото Википедија