(ВИДЕО-ФОТО) БЛОКАДИТЕ СКАПО ГО ЧИНАТ: Трамп мора да ги чести гостите со хамбургери и да плаќа од свој џеб
Објавено во: Економија, Свет 15 Јануари, 2019
Необична шведска маса им приреди американскиот претседател на спортистите кои ги пречека во Белата куќа.
Како што пренесуваат светските медиуми, Трамп победниците на првенството во колеџ фудбалот ги послужил со хамбургери и пица поради делумната блокада на владата.
И се тоа Трамп го платил од свој џеб. Трамп е познат како љубител на брзата храна а во моментов тој нема ни готвачи на работа во Белата куќа.
-Нарачавме американска брза храна, која јас ја платив. Многу хамбургери, многу пијалоци - рекол Трамп пред да го прими тимот Клемсон тајгерс од Јужна Каролина.
На необичната шведска маса приредена во Белата куќа се најдоа куп хамбургери на сребрени послужавници, помфрит во садови со претседателскиот печат, пици со маслинки и домат.
-Сакам се што е американско, а ова се американски компании-рекол Трамп во негов стил.
FOTO: EPA