(ВИДЕО) ГНЕВНИТЕ ФРАНЦУЗИ СЕ СУДРИЈА СО ПОЛИЦИЈАТА - повеќе од двеста илјади демонстранти на нозе против мерките
Објавено во: Свет 31 Јули, 2021
Повеќе од двесте илјади демонстранти, од кои околу 14.000 во Париз, се собраа во неколку француски градови „во име на слободата“ да протестираат против мерките за контрола на коронавирусот, трет викенд по ред, соопшти Министерството за внатрешни работи.
Според првите податоци на министерството, приведени се 19 лица, од кои десет во главниот град. „Тројца припадници на безбедносните сили беа повредени во Париз“, додаваат од министерството.
Ситуацијата се вжешти подоцна во главниот град, на местото Бастилја, со доаѓањето на првата поворка на демонстранти. Полицајците одговориле со солзавец и водени топови кон оние кои фрлале различни предмети врз нив.
Властите очекуваа околу 160.000 луѓе да се соберат на протести низ целата земја, објавија француските медиуми, повикувајќи се на полициски извори.
Минатата сабота, повеќе од 160.000 луѓе протестираа против задолжителната вакцинација за здравствените работници и дополнителното воведување на т.н медицински пасоши.
Француската влада воведе правила кон средината на јули, поради зголемувањето на бројот на заразени со коронавирус.
Повеќе од 3.000 полицајци беа мобилизирани за да ги обезбедат поворките, една недела откако демонстрантите ги преплавија Елисејските полиња, според кои влезовите беа затворени во саботата.
Извор и видео: Индекс.хр